牛角日本燒肉專門店 (奧海城2期) (已結業)

早两个月食都还好，今日食真系好差。炉头火力好明显较慢咗，系慢到用最大火用5分钟都烧唔㶶块牛，好似白烚咁。叫侍应帮手较大啲个火，佢试完自己都面有难色，明显系自己都睇得出个火冇大到⋯⋯后来听到附近几枱都一样有同样嘅反应。其实如果价钱太平做唔住，不如加价啦，你借啲二熄细个炉想我食慢啲，唔单止令人感觉唔良好（好似俾人呃咁），仲降低埋食物嘅质素⋯⋯另外，啲饮品对比起今时今日其他餐厅嘅选择同质素都差好远。款式少唔紧要，但你起码都真材实料呀⋯⋯啲可乐入面嘅汽仲少过7-11自由斟，苹果汁就啲冰多到好似沟水咁（冇得走）⋯⋯以前都几钟意去，贪佢地点方便，味道不错，但应该冇下次啦