遇見您

营业中

休息中

今晚睇到超级月亮又食餐饱饭。餐厅名好有意思，装修系西餐厅格局，有开放式调酒间，祖母绿色梳化同櫈，惊喜主打菜竟然系泰式火山排骨、焗猪扒饭同港式炒饭。赞一赞：火山排骨可以拣大细份。细份有三件骨，三件都超大，其中一件系巨型。调味好岩口味，伴以大量葱、蒜、芫茜、干葱，碟底个汁香又惹味。同埋系唔辣㗎，唔食辣嘅朋友都可以试下火山排骨啦！！肉软嫩，系骨头之间用叉轻轻一刮就食到，亦有提供胶手套俾你做手撕庖丁。蕃茄焗猪扒饭香喷喷热辣辣，面头布满芝士，猪排厚切多汁，饭粒湿度刚好，被鲜茄酱和芝士包裹住，一啖接一啖。牛肋条黑松露芦笋炒饭，味道同经典港式炒饭一样有镬气，饭底粒粒分明。芦笋切得好碎，反而系配角；黑松露同牛肋条咸香突出，令成碟炒饭好生色。好饭之友试下，因为呢度啲焗饭同炒饭嘅饭底都系水准之作。