金亞淶泰國餐廳

营业中

休息中

当身边朋友陆续出发返乡，留港嘅唯有望梅止渴嘞，泰友介绍话呢间值得一试，冻青柠檬薏米水$18  ~  柠檬清香解渴薏米又去湿美白椰汁凉粉冰$16  ~系朋友嘅非佛，钟意有椰香又清热㖞。泰式凤爪～酸辣爽脆又开胃系我最钟意食嘅前菜之一。个火山排骨好壮观呀！排骨肉质够谂，有肉香，个汁酸香辛辣开胃又醒神虽然个排骨好多肉，但点汁食就唔会济嘞。菠萝炒饭就食得多，今次试吓椰青海鲜炒饭，饭里面有好多椰青肉，有虾、鱿鱼、鸡肉，饭面仲有大量肉松，成个饭味道清新又唔错㖞，最后呢个泰式甜品，系好有惊喜嘅椰皇三重奏，叫三重奏因为佢三种来自椰子嘅材料，面头系烤香咗嘅椰丝，跟住系椰浆做嘅奶冻，又香又滑，最下一层系用椰青水整嘅啫喱，口感有啲似软滑版嘅大菜糕，清新又好味，系令我好满足嘅甜品。第日食家乡菜又多一个选择啦。