華麗耆素 (已結業)

虽然我本身唔系一个素食者，但只要系美食都好愿意去食吓～朋友就带我去喱间隐世素食店，既系社企又只开午市，位置仲起山上面一样（因为真系要行一段路），走入工厂区有一种探险感觉，同埋真系唔会谂到入面有餐厅，门口系湖水绿，份外醒神！入面虽然无咩华丽装修，但因为侧边两排窗，仲要系对住山，所以好光猛，自然光俾人感觉都好舒服。午餐选择好多，拣了蒜香韩式石锅饭($78)同印度咖哩杂菜($60)，石锅饭一上枱炸炸声～热辣辣！d肉碎系用新猪肉代替，无论口感同外型都同猪肉碎好似，真系几可乱真！个辣酱系微辣～朋友唔食得辣都食得到！而听讲佢地都用有机菜，咁叫咖哩杂菜实无错！入面有最爱嘅茄子！仲有啲椒、瓜同薯仔，咖哩味够浓，一样唔会太辣～除此之外，哩道有免费自助素汤任饮！今日系「西洋菜粟米南北杏罗汉果蜜枣汤」，原来素汤系好清甜咖！我地都系咁添饮～店员伯伯好搞笑～不停叫我地饮多d同食埋d汤渣～话好有益，得闲个阵又嚟问下我地岩唔岩～味道虽然唔系夸张到一鸣惊人，但系无论食物定服务态度，都有家嘅感觉（仲要系妈妈拿手菜个种～）～同埋店员们真系好亲切！