Hugo Cafe

营业中

休息中

Happy Friday同朋友相约喺火炭嘅Hugo Cafe， 系骏景商场嘅角落，环境幽静。我同朋友叫左两个set share.一个叫左daily special - 香煎鹅肝配澳洲草饲肉眼牛扒，配龙虾浓汤。另一个就叫左烤纽西兰羊鞍扒配蜜糖芥末汁，配是日餐汤 - 南瓜汤。是日餐汤都可以+$20转配龙虾浓汤~先上嘅系南瓜汤同龙虾浓汤，南瓜汤好惊喜，绵密香甜，饮落冇渣，好香南瓜味。而龙虾浓汤果然非常浓郁，仲有加虾肉，味道好香浓，亦系偏厚身嘅餐汤。而餐包配蒜蓉包，味道唔会太重，可以点下汤食~主角 香煎鹅肝配澳洲草饲肉眼牛扒，牛扒要左七成熟，煎到外脆内软，边位焦焦地，咬落脆口，牛肉质感嫰滑，牛味香浓，油脂位咬落都唔觉肥腻，非常高水准。而鹅肝食落香滑，份量都刚好。另一主角，烤纽西兰羊鞍扒配蜜糖芥末汁，两件羊鞍扒份量都唔少。肉质食落都嫰滑，唔会起筋。蜜糖芥末汁食起开胃，同羊肉比较重味嘅肉类系唔错嘅配搭。两份主餐都配薯菜薯角食起仲热辣，够脆仲好大份。连埋什菇，芦笋同豆角，中和下肉类嘅较重嘅味道。后叫饮品，我地叫左一杯ice latte同ice mocha。店员仲好细心问mocha要唔要加cream。