焰拉麵 (已結業)

寻日做嘢既关系下午时份又系我最中意既元朗食晏，之前听朋友提起有间拉面好好食，中意食拉面既我一直心思思好想试下，今日终于有机会试下喇！一去到已经俾佢地既装修吸引，好有日式拉面店既气氛，啲画好靓，见到店主好用心去布置！ 之后坐低叫左佢地既招牌拉面”燄叉烧拉面“，果然名不虚传，一嚟到已经闻到浓浓既汤味，即刻第一时间试下个汤，一啲都无令我失望，个汤做得好鲜味，带有小小微辣，即刻令我胃口大开，拉面亦做得非常出色，煮既时间恰到好处，非常有口感，软硬度适中，至于叉烧亦系我既至爱半肥瘦，厚厚既一片一啖咬落去肉味浓郁，一食已经知道系诚意之作，真系好食到吾停得囗，果然无令我咁中意食拉面既人失望！至于温泉蛋煮既时间刚刚好，一咬落去啲蛋汁标出黎，蛋味浓郁！ 至于小食方面标系叫左我既至爱鱿鱼须啦，个汁非常出色，好香囗，正好带出左鱿鱼既鲜味，鱿鱼方面煮既时间刚刚好，吾会太硬或太软，好似我咁中意食鱿鱼既朋友一定要试下！ 今餐日本拉面食得我好满意，估吾到系元朗都会有咁出色既拉面铺头，下次一定会再黎试下佢既其他嘢食！