重慶洪鼎火鍋 (已結業)

星期二收工约左个旧朋友食饭，噉我哋谂住喺尖沙咀度食，见到有间重庆洪鼎火锅，于是就入去食下喇。见到个menu之后，发觉好多选择，最后经过一轮挑选，我哋拣咗火焰醉膏蟹花甲锅。呢个锅点解叫火焰呢，原来佢会将个锅搬到枱上面，系呢个时候，佢先用个火枪烧著咗𠮶啲蟹和花甲，𠮶啲火系明火来的，个侍应帮我哋炒左大概2分钟之后，烧到𠮶啲蟹同埋花甲有少少香味，噉佢就会倒一大煲上汤落去，大约五分钟之后就可以食得嘅喇。我哋先食𠮶个花甲，时间煮得啱啱好，呢只系膏蟹嚟嘅，所以有膏食。另外再饮下𠮶啲汤底，因为个汤底吸收咗啲蟹同埋花甲嘅精华，所以饮落去鲜甜味，另外我哋叫咗啲牛肉丸，响铃，皇帝菜。总括嚟讲我个人比较钟意𠮶个就系花甲蟹㶽。