影片
更多
2023-01-18
56 浏览
一直想试好耐啦，见佢个装修好特别，又有怀旧的味道。我地响麻雀枱上用餐，菜式走怀旧港澳路线，好多好耐都无食过，多到只好由十大必食开始拣起，啲菜名都几盏鬼㗎。米酒鸡（$249）米酒鸡配返个可爱鸡样沙锅，造型巨大又特别，将酒点著火后淋上鸡面，用火的热力加强荷叶同米酒的香，肉质嫩滑，一夹就骨同肉分开。呢到有全只鸡㗎，里面酿咗葱头、金针、云耳等索哂鸡嘅精华，旁边有葱头、蒜粒和姜粒，除咗用嚟增强香味之外，仲可以食埋唔好嘥。下次黎一定要试佢个富贵版，有鲍鱼，花胶同花菇。怀旧蟹膏虾多士（$129）虾多士总共有4块，每块上面都酿满带虾粒的虾胶，另外蟹盖充满咗膏及蟹籽，食嘅时候要放上多士面一齐食，蟹膏带起哂成个多士的味道十分香浓，食落又唔会好油腻。发记大香肠（$79）见隔离枱有食，个造型又咁特别，所以就嗌黎试吓。香肠外面搽咗蜜汁，外皮𠝹咗花，只要跟着啲坑纹剪就好容易分开，香肠味道比较咸而带少少黑椒，附有芥末同辣酱，分量好多3-4人食就啱啱好。椒丝腐乳通菜（$99）咁多肉要叫返个菜平衡返，当然系拣浓味嘢啦，通菜配上腐乳令普通嘅菜变得更吸引，系永远嘅拍档。菜的份量多都几抵食。霍哥顶得住（$32）杯青柠沙冰劲大
一直想试好耐啦，见佢个装修好特别，又有怀旧的味道。我地响麻雀枱上用餐，菜式走怀旧港澳路线，好多好耐都无食过，多到只好由十大必食开始拣起，啲菜名都几盏鬼㗎。
米酒鸡（$249）米酒鸡配返个可爱鸡样沙锅，造型巨大又特别，将酒点著火后淋上鸡面，用火的热力加强荷叶同米酒的香，肉质嫩滑，一夹就骨同肉分开。呢到有全只鸡㗎，里面酿咗葱头、金针、云耳等索哂鸡嘅精华，旁边有葱头、蒜粒和姜粒，除咗用嚟增强香味之外，仲可以食埋唔好嘥。
下次黎一定要试佢个富贵版，有鲍鱼，花胶同花菇。
怀旧蟹膏虾多士（$129）虾多士总共有4块，每块上面都酿满带虾粒的虾胶，另外蟹盖充满咗膏及蟹籽，食嘅时候要放上多士面一齐食，蟹膏带起哂成个多士的味道十分香浓，食落又唔会好油腻。
发记大香肠（$79）见隔离枱有食，个造型又咁特别，所以就嗌黎试吓。香肠外面搽咗蜜汁，外皮𠝹咗花，只要跟着啲坑纹剪就好容易分开，香肠味道比较咸而带少少黑椒，附有芥末同辣酱，分量好多3-4人食就啱啱好。
椒丝腐乳通菜（$99）咁多肉要叫返个菜平衡返，当然系拣浓味嘢啦，通菜配上腐乳令普通嘅菜变得更吸引，系永远嘅拍档。菜的份量多都几抵食。
霍哥顶得住（$32）杯青柠沙冰劲大杯，两个人先饮得哂。清爽的青柠汁，饮落有柠檬皮的口感，可以解肉类的油腻感。
张贴
