三希樓 (已結業)

睇openrice揾下港岛区有咩川菜好食，而呢间三希楼都几多好评，似乎都几正宗好食。装修仲好别致，好有气派！侍应先送上茶水，茶味几香。餐牌除左main menu，仲有夏日推荐既新菜式。有豆腐干同凉拌海带作为前菜，凉拌海带有少少辣，不过好开胃。而沙拉鲜笋，口感好清新，好脆，酸酸甜甜，好似食紧苹果沙律咁，非常开胃。蜂蜜蕃茄，表面撒上桂花，每片蕃茄都点满蜂蜜，食落好香花味同甜味。水煮鱼采用既系桂花鱼，鱼肉非常嫩滑，入口麻辣但唔油腻，而且有好多配料，包括青瓜、鸭血、薯粉、笋和芽菜等，食落相当有层次感。之后既系三椒猪手，猪手好入味，去左骨切成一粒粒炒，除左辣味仲有花椒香味，越食越辣，不过好好送饭。炝炒蒿笋丝，食到停唔到口，爽脆既蒿笋丝，微辣之余，有点咸香，同蒿笋丝好夹。最后仲有个甜品，系枣茸千层糕，比较重红枣味，烟烟韧韧唔会太甜。