華立茶餐廳

营业中

休息中

前一晚系同一大班朋友系大尾笃踩夜车睇日出，跟著紧系要食翻个早餐医肚啦！我地人行十几人，黎到宝乡街，好在华立舖面够大，等左大约五分钟就已经有位啦，朝早既繁忙时间黎讲算唔错啦。舖头既装修唔算太新，但几有传统港武茶餐厅既味道，而且前后有两部大电视，可以睇下晨早新闻，比较唔满意既系餐厅厕所，厕所有漏水问题外，位置亦太近茶客，坐系附近会有一阵异味。食物方面尚算可以吧，我叫既早餐A有沙嗲牛肉面、火腿奄列、餐包、同一杯热饮，抵赞既系饮冻鲜奶同转饮其他冻饮一样都只系加3蚊炸，不过餐单原本写住可以加1蚊将餐包转多士，但系伙记竟然话咁多人边有时间荡热份多士咁话wor。沙嗲唔算太辣，面都几弹牙唔算淋，餐包就有牛油可以涂上，美中不足系唔够热。火腿奄列质感嫩滑，配鲜奶好好饮，埋单都系33蚊，价钱适中。