CHOO CHOO (已結業)

话说今日小弟同女友人行晕晒成个长沙湾，发现呢头好多整车铺， 无咩食肆都系酒楼多。 但后黎比我地发现左呢间名为Choo Choo既西餐厅， 佢开正系堆车房既隔离， 其实真系唔多显眼...但胜在铺仔细细入面既主题装横好特别。 佢墙上一路播住d火车窗外既景色既片，令人感觉到好似坐系火车入面一路欣赏风景一路进餐.真系几过瘾好舒服....咁今晚就同女友人叫左个是日南瓜汤，黑松露海盐芦笋，泰式软壳蟹墨汁面，同西班牙黑毛猪梅扒. d食物的的骰骰卖相好靓, 你可能会觉得佢份量小，但食落其实又岩岩好. 个是日南瓜汤好creamy几清淡,个黑松露海盐芦笋好浓味好香,个泰式软壳蟹墨汁面就几入味个软壳蟹炸得好松化,最后个西班牙黑毛猪梅扒好重油香口感一流. overall黎讲位置虽然有d偏僻但值得入去坐下火车食下野远离繁嚣