養心殿台式養生鍋 (已結業)

夏日炎炎，都係食火鍋嘅時候。香港地真係一年四季都係食火鍋。今次都唔例外，約齊好友去佐敦養心殿養生鍋。呢度格局好有私隱，呢度格局好有私隱性，啲枱分隔得好開，適合細聲講大聲笑的傻朋友聚會。火鍋食物質素好正，特別係個湯底，相同價錢可以叫鴛鴦鍋，啱晒有人食辣，有人唔食辣。一邊叫咗台式麻辣鍋，裏面嘅麻辣香味，仲有鴨血同凍豆腐，非常吸味！仲可以免費添一次。令一邊嘅湯底叫咗酸菜白肉鍋，嗰啲藍玉半肥瘦好爽口，成個湯酸酸地好開胃。不過唔適宜落粟米，會令粟米變咗酸湯味。佢個肥牛真係冇得頂，雖然小小貴，但係牛味香濃、肉質入口即溶。仲要送甜品，豐富滿足的一餐！