麻辣風雲 (已改名) 查看

今日朋友想挑战麻辣野，比佢地酸菜鱼所吸引而来，座位好阔落，好有中国古式风味，仲好幸运可以坐到店内唯一嘅凉亭特色枱。炸馒头 $58, 系招牌小食，用木制战船上碟，造型相当有气势，炸得热辣辣又香脆，配炼奶真心无得输。主角酸菜鱼 $268，碟头一样大大件，足够4至5人分享，选用生鱼，鱼片份量超多，肉质幼滑得黎挺身爽口，澄海酸菜味道香，清爽，不会过咸，汤头加入青胡椒，花椒，味道麻麻香香，配芽菜同粗身薯粉，吸收香浓汤汁，后悔没有加30蚊加配额外薯粉。香辣茶叶炒虾 $188，炸过嘅茶叶味道有点似炸九层塔，虾仁炸得咸香，带辣劲，惹味。干锅系比较特别嘅菜式，可以自选酱汁辣度同蒜度，除左基本蔬菜配料，可自选最少5款配料，我就拣左劲蒜小辣，美国肥牛，特色牛肉饼，鸭血，肥肠，豆干，茄子，一大盘上枱，份量真系好夸张，够5至6人分享。味道惹味蒜味浓。甜品系黑糖脆炸糍粑 $58, 见到出菜量，目测基本上全场客人都会叫1碟，炸脆嘅糯米糍粑，配上微甜黑糖酱同黄豆粉，热辣辣香脆软糯，相当滋味，叫多碟都绝对可以清哂。大部份菜式都系川辣嘅，遇到想食辣野或者酸菜鱼嘅日子时，第一时间就会谂起呢度。