杜老誌大飯店 (已結業)

湾仔呢区平日比较静，但食市都可以一样咁热闹。之前嚟过杜老志大饭店宜家改咗做火锅餐厅，仲见有新餐牌，今晚同朋友庆生日，选择火锅都系唔错选择。呢度布置特别又怀旧，好似有怀旧士多舖咁夹起一包一包怀旧玩具。原来除咗门面嘅装修，就算连厕所都整到好似部䢂咁，黑色䢂制直头似旧式大厦，确系几搞鬼。有花生同青瓜作为前菜，饮啤酒一流。调味格尚算丰富，䓤、辣椒、豉油、沙嗲、炸蒜头、生蒜蓉等。火锅系散叫形式，叫了几款，食落都颇新鲜，就系因为新鲜所以灼两下就会食到鲜味，好似滑牛肉咁，睇落色泽鲜明，灼熟之后夹起嚟睇纹理细密，咬落嫩滑无渣，成嚿几一碟看似几贵，但出面其他食店都差唔多，最紧要新鲜物有所值。丸类、饺类都系唔错，烚下烚下吹下水庆祝一夜，还望朋友继续饮和食德，越食越开心。