壹火鍋

营业中

休息中

冻冰冰，最正就系可以同朋友一齐打边炉，今日相约朋友去左位于旺角兆万中心16楼的「壹火锅」烚下烚下。$199 150分钟任饮任食，可以选择鸡煲或火锅，另外亦可以每位加$50无张追加刺身、再加$50无限追加和牛、再加$50追加鲍鱼海鲜船，性价比高。火锅汤底鸳鸯锅有14款汤底可以选择，我地点了骨胶豚骨锅&沙嗲汤底，以到既鸳鸯锅唔驶另外加钱，沙嗲汤底味道好浓郁，打边炉一流。鲍鱼海鲜船份量十足，有海虾、北寄贝、花甲、蚝、带子、蚌、龙趸片，送到上黎仲识郁，北寄贝、蚝、鲍鱼大大只，海鲜好新鲜鲜甜美味，每人只加$50，真系好抵食。无限追加和牛餐厅头一转会先送上一盘牛肉，食完仲可以无限追加，入面有SRF和牛肉眼、安格斯牛小排、极上牛板腱、严选牛肩胛、手切封门柳，每款牛肉都有特色，其中SRF和牛肉眼和安格斯牛小排，雪花均匀，牛味浓郁，肉质软腍，牛肉相当高水准。刺身有多款刺身选择，刺身质素都唔错。除了点餐纸可以落单，自助吧有多款酱料，火锅配料可以选择，摆得干净企理。肉品区有冻饮、热饮、室温饮品，非常贴心，岩晒唔饮冻野既朋友。最后食埋雪糕，雪条，真系饱到上心口，非常之满足。