新華記

营业中

休息中

呢日同朋友去新华记火锅店打边炉顺便聚旧。问过间餐厅没有用餐时限，方便慢慢饮下食下吹水。餐厅装修整洁，食物非常有特色。首先嚟个招牌小食凉拌鱼皮，依款嘢唔系度度有，仲要整得几好食。跟住主厨推介食返只肥美日本生蚝。蚝身饱满鲜甜冇介绍错。跟手再点一条黑池鱼刺身，份量十足，鲜甜美味！鱼骨同鱼头仲可以攞嚟凉瓜炆，冇谂过会咁野味！真系连啲骨都冇嘥。食到咁上下就点返个招牌蕃茄汤锅，个汤锅又多料又浓蕃茄味，净系饮汤都觉得正。打边炉食料最正我觉得系佢哋嘅手手切牛颈脊同埋手切本地肥牛，肉身鲜嫩而牛味浓郁。其他食材都好新鲜，食得出佢哋系好用心拣同埋做啲食材。𠮶度啲酒水又唔贵我同朋友喺𠮶度食咗5个钟头，过咗一个好愉快嘅晚上。有机会再约朋友嚟食饭吹水饮酒。