麻布茶房 (已結業)

麻布茶房，我细细个就听过呢个名喇！原来麻布茶房已经嚟到40周年，推出日式火锅同雪糕甜品半价优惠，真系好平呀！！！所以今日同M佬嚟到九龙湾淘大商场嘅麻布茶房，试吓呢个超抵嘅火锅set啦。寿喜烧牛肉火锅以价论货嚟讲，真系好扺食，唔通仲期待会入口即熔咩？肉嘅份量足，牛味香浓，咁样已经值回票价啦！除咗牛肉仲有冬菇、金菇、娃娃菜、大葱、鸣门卷，狮子狗、龙虾丸同豆腐等配菜，索晒寿喜烧汤汁，好好味！铁板牛肋骨及牛舌 + 迷你海鲜丼呢个铁板牛肋骨及牛舌，上枱支支声，好吸引。牛仔骨同牛舌份量超多，牛香扑鼻，肉质软腍。呢个set仲有配菜同汤，再有碗白饭，但我哋就upgrade咗做迷你海鲜丼，更加满足。芒果圣代牛肉火锅跟餐有芒果圣代，芒果雪糕配上大量忌廉，真系夏天嘅消暑佳品！