火鍋煮場 (已結業)

好耐都冇打边炉啦，虽然而家系夏天，天气有啲热，但系咁样都阻挡唔到我一颗热爱打边炉嘅心。今次就嚟到深水埗呢间火锅店，谂住试吓呢间望落去唔错嘅火锅。首先打边炉点可以无肉呢？我哋叫咗一份本地手切既牛颈脊，牛肉嘅颜色非常漂亮，肉脂分布均匀，所以食落去非常好食，又软又嫩，再加上呢度嘅汤底都几够味，赞！另外仲有叫咗一份手打三宝，有虾丸、墨鱼丸同埋鲮鱼球，因为系手打嘅所以非常弹牙爽口，佢既自家制墨鱼饺都非常不错。另外都叫左个竹笙同活鱼刺身，刺身非常新鲜，鱼肉晶莹剔透，值得一试。