金啫の鍋 (已結業)

天寒地冻最好打边炉但又想食鸡煲！朋友介绍呢间，鸡煲无限添食加火锅放题，可以无拘束开怀大食。单人收费都只系188，有鸡煲、海鲜、肥牛乌冬和火锅四重奏，包汽水任饮，性价比甚高!鸡煲有辣同唔辣，辣度仲分大中小辣可选择，十分贴心！ 每枱有金啫攻略教炒鸡煲，10分钟炒4次就有得食! 香喷喷热辣辣，鸡件大大嚿，嫩滑香口惹味，辣度是麻辣，越食越滋味！意犹未尽添食了一次！跟住系炒蚬加海鲜，海鲜有虾、蟹、蛏子 鲍鱼四选一 。我哋拣咗鲍鱼，贪佢肥美肉厚有嚼口， 炒香加入黄酒焗一阵，打开酒香扑鼻， 蚬肉鲜甜味美！第三道菜系牛肉炒乌冬。乌冬吸收麻辣酱汁和海鲜的精华，惹味浓沃，爽滑弹牙 有饱足感！最后是火锅放题，汤底有猪骨、蕃茄、酸菜和麻辣。我哋拣咗蕃茄汤底，酸酸甜甜够醒胃！ 个人推介配料 水鱿鱼、牛柏叶和云吞， 新鲜质素高， 用作打边炉一流！