時代冰室 (已結業)

今晚约咗一位好耐冇见的朋友叙旧，用餐地点拣咗大家都就脚的太子。边行边揾食，我哋被大大的广告牌吸引住，咁啱有啲寒意，不如就试吓打边炉。我拣咗珍宝海鲜锅，而我朋友拣咗醉鸡肥牛锅。珍宝海鲜锅多款汤底任拣，我拣咗芫荽皮蛋汤底，感觉比较清热。不过我略嫌比较咸，如果可调返清淡一点比较好。每份打边炉都配一份八宝盒和五福临门，八宝盒材料有生菜、娃娃菜、粟米、冬菇、蕃茄仔、金菇、萝卜同乌冬。而五福临门有鬼马油炸鬼、响铃、狮子狗卷、贡丸和鸭血。十分丰盛，大大满足。珍宝海鲜窝会多左份海鲜配料有虾、帆立贝、鱼片、蟹柳、鱼滑同长洲鱼蛋。醉鸡肥牛锅一啲都唔输蚀，我朋友拣咗滋补醉鸡汤底，同样有八宝盒同五福临门，鸡块同肥牛同样分量十足。仲嫌未够，另外叫份养颜花胶筒鬼马油炸鬼。花胶都算大块，食落唔落唔错。而鬼马油炸鬼即系油炸鬼让左啲虾胶，几特别几有心思。仲仲未够犀利加$18仲可以跟XXXXL 水果茶，真系超巨型超大杯。真系应有尽有，性价比超高。