龍閣

营业中

休息中

自从黄埔站开咗地铁之后，我就经常去呢度行，发觉原来呢度有好多唔同种类嘅餐厅同埋食肆！估唔到龙阁极上火锅料理原来都有小菜，寻日先打完边炉，不如就试吓佢哋嘅小菜啦！一睇个餐牌，发觉有好多野都做紧优惠，选择真系多到不得了！想食多d唔同嘅嘢，所以点左一d一人份量既食物！鲍参翅肚佛跳墙$48（位）超级甜，足料，有鲍鱼ga，一d都唔咸。蒜蓉粉丝蒸日本大元贝$88有4大只，多蒜蓉多粉丝，元贝好大只同好实，啖啖肉，好鲜味！藜麦蚝油4头鲍 $68估唔到＄100都唔使就食到一只4头鲍，鲍鱼唔「韧」，一切就分开，配上藜麦，非常新鲜既配搭，个汁好好食！瑶柱海皇蛋白炒饭$98衣个炒饭可以用顶级来形容，干身，炒到d饭粒粒分明，多料，简单菜式，突显师傅功架！渔香海鲜豆腐煲 $78一上枱就「支支」声，海鲜料真系鲜，只虾大大只，好多鱿鱼，豆腐又滑，捞饭正吖！下次试下佢地d火锅先。