新三得火鍋海鮮酒家 (已結業)

兴致勃勃同朋友嚟咗九龙城逛街，点解嚟九龙城，因为买芒果糯米饭...泰式凤爪，香料，同埋台湾扎饼啰😋😋......今天母亲节，朋友带埋亚囝出嚟行街街，逛累了，经过候王道呢间火锅店，门口餐牌写住有牛腩饭$42连饮品，价位合理，便进来试一试。入到火锅店，见隔离客人食紧干炒牛河，心郁郁又想食，见到餐牌有河粉粗面，炸鱼皮炸云吞又想食，有位唔知伙记定老板，佢见我拣咁耐，就介绍我食香炸麻辣饺，经佢介绍又想食。可惜一个肚容量有限，最后点了清汤牛腩面一碗。碗面好味，清汤鲜甜，配上入味萝卜，萝卜新鲜，无渣嫁。牛腩绝不黐牙，牛味香浓，食完想再食😋。食粉面点可以唔叫炸鱼片呢，碟鱼皮好得，唔系攞货，新鲜即炸，上枱时仲热嫁👍👍，炸鱼皮一般会浸汤食，但果位唔知伙记定老板，佢倒咗D辣椒酱比我，叫我点嚟食，果然另一风味，唔错唔错😋。仲叫咗杯茅根竹庶水，解渴，解辣又唔太甜😋。听果位唔知伙记定老板讲，原来呢度之前无午市嫁，午市都系做咗两三个月，咁我都算好彩了，路过食到好味牛腩😋。