阿肥火鍋 (已結業)

餐厅好花心机装饰，入面摆设肯定下过功夫，有好多以前常用嘅红色塑胶器皿，保暖瓶，连旧式收音机、电视机都隐身在周围环境中。对喜爱旧物嘅人嚟讲，应该唔钟意打边炉都要嚟睇吓。汤底都有好多选择，有猪骨汤、胡椒猪肚汤、麻辣汤等主流选择，亦有比较特色嘅滋补汤底，花胶鲍鱼乌鸡汤、杏汁猪肺汤等炖汤。我地今次无预订，所以都系无得试D特色汤底，最后决定鸳鸯锅啦。先叫咗份小食，同事无啦啦话要食乳鸽，咁叫一份俾佢食住先啦。估唔到又几好食。火锅配料都食咗几多款，特别D嘅有2样。紫菜响铃够特别，出面好少会包埋紫菜一齐炸响铃。另一样比较特别嘅系猪天梯，唔系好多地方有得食，食落爽脆弹牙，份量都唔少，好抵食。