原味棧 (已結業)

考下大家，呢两个火锅怪一星期可以食几多次火锅呢？寻日嘅答案仲系3次。不过食埋今餐，就打破我哋嘅纪录，系今个星期第4次打边炉啦！上次嚟过红磡原味栈，火锅半自助餐真系质素高又抵食，正价每位都只系$208，任饮任食，所以今日决定再嚟多次。火焰鱼上次试咗半只龙穿凤（楜椒海虾鸡窝），今次就梗系试另一款汤底。我哋今次叫咗𠮶名同样系咁特别嘅火焰鱼。一嚟到就见到两大旧鲩鱼腩，超级厚肉，入口啖啖肉，仲要系微微煎过，好香口。话明系火焰鱼，就梗系有火焰啦！滚到咁上下，职员就会加烧酒，点埋火，真系好大火呀！另外汤底仲有莞茜、洋葱、胡椒同红椒等香料，所以汤底香浓入味，好好味！豪华海鲜拼盘我哋就系因为呢个海鲜拼盘而再嚟嘅，可能佢哋认得我哋，今次𠮶拼盘嘅份量比上次多，你睇下啲蚬多到就快跌咁啦！海鲜系依据当日咩新鲜而定，今日就有龙虾、鲍鱼、三点蟹、海虾、蚬、象拔蚌仔、花螺等，真系份量十足。海虾真系好生猛，郁吓郁吓。安格斯手切肥牛今次碟牛比上次更大碟，肉质同样鲜嫩，牛味比上次更浓郁。除咗海鲜同牛，仲有其他肉类同蔬菜任食，真系食到揽住𠮶肚走。（记住Like同Share畀朋友）