組長日式放題 (已結業)

我家M佬真系样样好，但无主见系佢嘅最大缺点。佢话无主见系因为佢就我㖞，由得我话事，所以佢先无所谓。讲到咁sweet真系成个人融晒！如果你嘅另一半都系无乜主见，放题就最啱佢！今日我哋就去到铜锣湾京都广场嘅组长日式放题，有放题又有火锅，正！店内挂满红同白嘅日式灯笼，好有日本feel。而且座位唔多，空间感十足，坐得都算舒服。点菜纸分别有刺身、寿司、火炙寿司、卷物、军舰、沙律、铁板烧、天妇罗、炉端烧、一品料理同刷刷锅等，仲可以加$38 upgrade点埋“极上”菜单。饮品自取，除咗罐装冻品，仲有自家玄米茶同柚子蜜。而自助吧枱仲有花胶元贝水蟹粥同粟米鱼肚羹，等嘢食嘅时候，都可以有啲嘢咬吓。北海道海胆花胶锅好丰富呀！有帆立贝、虾、青口、墨鱼仔、花胶、鲍鱼仔同海胆，仲有大量蔬菜、金菇、豆腐等等。不过味道就淡咗啲。黄金焗蚝上面混入粟米粒、烟肉同薯蓉，味道香浓，不过蚝肉就相对较细，好彩蚝味搭够。焗扇贝香喷喷！热辣辣！半溶嘅芝士入面有粟米粒同烟肉粒，味道鲜香，味道唔错。汁烧一口牛一口牛唔会over cooked，肉质嫩滑，索晒啲汁，味道好浓郁。安格斯牛柳牛味香浓，好大块，好嫩，估唔到放题质素都咁高。串烧五