影片
更多
2024-08-13
5380 浏览
第一次食火锅放题，所以仲要嘢首先讲：1. 进食时间有90分钟，但系last order就系一小时，所以如果唔够嘅话，尽快喺一小时内尽量order。2. 如果食平餐level 1至3，就可以先like 社交平台，就可以送多个三文鱼刺身或雪糕。第一次帮衬牛气，我食嘅系level 4 晚市放题，除咗牛肉之外仲包海鲜，QR code落单每次嗌四碟，一入座就计时，同埋会附上一碟各种嘅肉类，进食时间好赶，因为想回本，但系份量充足，上碟快，但记住last order一小时，所以如果谂住食得晒嘅话，就喺尽量一小时内尽量嗌多几轮。牛肉新鲜无根，以我非食家角度觉得唔错几正，嗌多十碟八碟回本真系好易，虎虾都新鲜大只但系搣壳慢，牛气有款泰式生虾，已加鱼露辣椒同埋剥埋壳去肠，用呢种生虾碌一碌嚟食，鲜甜爽弹正个虎虾，最紧要系快！另外供应嘅三文鱼都肥美够厚，但系我对食生吃较有戒心，所以都系碌一绿食更加正，介乎全热于半熟之间嘅三文鱼原来咁正，encore咗好多碟。因为赶住回本嘅关系，自助区嘅嘢冇乜点理，净系拎咗车嚟茄㖞菠萝帮助消化。最后半小时都食得好饱，食多几个软雪糕和甜品，埋单三百几，正路嚟讲系我有赚嘅，除咗赶之外
1. 进食时间有90分钟，但系last order就系一小时，所以如果唔够嘅话，尽快喺一小时内尽量order。
2. 如果食平餐level 1至3，就可以先like 社交平台，就可以送多个三文鱼刺身或雪糕。
第一次帮衬牛气，我食嘅系level 4 晚市放题，除咗牛肉之外仲包海鲜，QR code落单每次嗌四碟，一入座就计时，同埋会附上一碟各种嘅肉类，进食时间好赶，因为想回本，但系份量充足，上碟快，但记住last order一小时，所以如果谂住食得晒嘅话，就喺尽量一小时内尽量嗌多几轮。
牛肉新鲜无根，以我非食家角度觉得唔错几正，嗌多十碟八碟回本真系好易，虎虾都新鲜大只但系搣壳慢，牛气有款泰式生虾，已加鱼露辣椒同埋剥埋壳去肠，用呢种生虾碌一碌嚟食，鲜甜爽弹正个虎虾，最紧要系快！
另外供应嘅三文鱼都肥美够厚，但系我对食生吃较有戒心，所以都系碌一绿食更加正，介乎全热于半熟之间嘅三文鱼原来咁正，encore咗好多碟。
因为赶住回本嘅关系，自助区嘅嘢冇乜点理，净系拎咗车嚟茄㖞菠萝帮助消化。
最后半小时都食得好饱，食多几个软雪糕和甜品，埋单三百几，正路嚟讲系我有赚嘅，除咗赶之外，体验唔错，服务亦都周到，应该冬天天气冻想打边炉嘅时候会再encore多次。
个花胶都几硬，所以如果想食花胶嘅话，要早叫，浸淋浸耐啲煲耐啲先够软，另外因为赶时间，加上个锅嘅水蒸气大，相片质素麻麻，下次encore再影靓啲。
张贴
