壹火鍋

营业中

休息中

今日收工同事又带我去食好西！同事知我钟意食海鲜又钟意食牛，话今次带我去食个放题火锅包我满意！首先位置非常方便喺旺角兆万中心！上到去门口位虽然好细，但系入面非常多座位亦非常舒适！首先全部都系由同事负责点食物，先嚟过麻辣鸡煲！店员会有个闹钟计时，时间够先可以食鸡！鸡件大细适中，味道都好入味鸡肉都好嫩滑！当我哋食到咁上下鸡，个海鲜盘已经送上海鲜非常新鲜，只虾同个鲍鱼都系识郁嘅！只虾亦都会挣扎😂，另外生蚝唔会大缩水！鲍鱼入口非常弹牙！挣扎嘅虾唔使讲一定系新鲜弹牙🤣再嚟送上指定牛肉！因为牛肉任食系要另加钱嘅，但系质素系值得嘅！当我食紧火锅之际，店员又为我们送上我哋点嘅刺身！首先刺身比我预期中大件，亦都非常新鲜！同其他放题可以比较！因为太多食物，火锅配料亦都好多选择，我哋就点咗云吞，水饺，鱼皮饺，手打墨鱼滑，同埋虾滑！我都推荐！另外出面自助配料区亦都好大好多酱料选择！酱料区对面就系自助食物区都有啲丸类，其他唔同食物可以自己攞！自助饮品甜品区虽然只有两个雪柜，但系饮品种类都有10几种，另外雪糕都系只有两个柜，但系选择都唔少！最后总结！加埋个刺身任食其实最后甜品我都唔到太多！但系如果大胃王系一个好选择