老鍋台式火鍋 (金馬倫道) (已結業)

我地一行18人，预先book好枱，虽然已经系安排咗一个房俾我地，可能无咁大张枱坐晒咁多人，所以就变咗一张大圆枱+一张4人枱，我地唔介意分开咁坐，只系2枱人要倾计就辛苦D姐😓汤底我地拣咗麻辣锅、美人锅、养生锅，D汤好正好入味。食物叫咗好多嘢，有手切安格斯牛小排、手切牛肩肉、极品黑毛猪梅肉、嘉美农场鸡肉、新鲜脆鲩片、墨丸、虾丸、芝士牛肉丸、饺类拼盘、滑豆腐、冻豆腐、鲜炸响铃、杂锦蔬菜盘、有机玉米、厚切日本山药、冰菜、羽衣甘兰、鸭血、松叶蟹棒，全部都好好食好新鲜。饮品叫咗冲绳黑糖乌梅汁、杞子杭菊露，乌梅汁太甜，杭菊露甜度适中比较推荐。服务都唔错，不时主动帮我地加汤、收碟。最后埋单6千几，仲可以join member，下次再去食只要俾电话号码就可以85折，正呀！