老鍋台式火鍋 (已結業)

环境4分：台式火锅店格局，中国风装修有屏风同灯笼，餐枱分得都几开，唔嘈，可以畀四分。卫生5分：枱面有煮食餐具同纸巾，出面自助豉油酱料都好干净，卫生意识强，可以畀五分。服务5分：侍应生非常好人，落单上菜都好快，一路食一路会加汤同换左Ｄ有骨嘅碟，非常整洁，又会教埋煮几耐，态度好好畀满分。味道5分：1)     火锅汤底胶原蛋白美人锅入面有原只乌鸡，粟米，胶原蛋白，人参，妃子，红枣同冬菇，非常足料。个汤底好香好甜好浓。只乌鸡好嫩口，Ｄ皮好滑。粟米好爽好甜。Ｄ胶原蛋白好似啫喱咁好烟韧。2)     咸蛋黄炸鱼皮一上枱热辣辣好脆，Ｄ咸蛋味好出，可以唔使浸汤底就咁食。3)     台湾A菜煮两下就食得，用鸡汤底去浸淋当然好食。4)     精选手切牛肩肉全部起双飞，薄薄一块好易熟，煮两煮就食得，Ｄ肉好松好淋又有肉味。5)     手工丸可以半份即四粒咁叫，叫左两款佢会拼埋一碟上。白色果款系鹅肝墨鱼丸，灰色果款系黑松露虾丸，两款丸都非常弹牙，墨鱼丸同虾丸入面加左鹅肝同黑松露都加左个香味落去，配得好好。6)     皇室鱼肚好鬼爽口，仲可以索晒汤底D味，好特别。7)     乌冬叫稻庭乌龙面，跟个罩哩