北斗翁頂尊火鍋料理 (已結業)

天气凉凉地,就梗系火锅啦.细数城中霸气火锅店之一,北斗翁应该占了一席.我钟意去呢个宝号既原因系因为食材够新鲜!不过我到依家都搅唔清北斗翁同不倒翁有咩分别.系利舞台既分店,一定要坐卡位吧!唔坐唔够爽!$58 一渣既竹蔗茅根水,清甜润喉!不过其实我对呢款既清热功能感到怀疑.如果有罗汉果水就仲正!$54 水饺王半份.系呢度既名物,大大只,包住超大只虾,极级爽口!仲开心系可以叫半份!$168牛杂锅,清清地不会抢味,而且胜在有埋牛杂,当系一个配料省省钱!基本部位都齐全,最正当然系肺.不过我建议再可以煮稔一点!$298既金牌手切肥牛脊位(大),牛味浓之余,仲无咩渣喔!最神奇既地方系我望住碟牛肉中间位有点旋转感!好晕$58 炸腐皮,火锅吸汤既神器,不过我个人不太喜爱.$88 野菜篮,份量十足,叫一个唔洗叫其他菜!将牛杂沾一沾生鸡蛋与葱蒜混合物,鲜味无比!(鸡蛋$10 1只)水饺王真系无得顶,虾肉大之余,与木耳和猪肉混和后,更加鲜甜又脆口!最后叫个$58 日本乌冬填肚,稻庭乌冬当然系比较滑溜.而且比较烟韧,索尽几小时后既精华实在滋味最后送上西瓜和桂花糕清清口腔就完成了.先多谢朋友既请客,埋单$990所