二一八火鍋餐館

营业中

休息中

二一八餐馆除咗有火锅之外，仲有唔少获气嘅小食添！就好似呢味椒盐鱼云，炸得金黄香脆，上枱时非常香喷喷，表面充满著脆口嘅脆浆，辣味适中，而鱼云入口顺滑，鱼身不失鲜味之余，又品尝到脆口嘅炸鱼块。拣好酱料之后，就紧系打边炉啦。火锅汤底系胡椒猪肚汤底，胡椒汤底微辣，猪肚入口又软滑爽口，加上个汤窝卖相特别，有龙头系两边够晒霸气，无论系外表，或者个汤底都一样抵赞。打边炉点可以唔食蛏子，大大只嘅蛏子，弹牙兼且毫无杂质，放落滚汤中煮熟，绝对无人会抗拒。接著仲有海鲜拼盘有生蚝，蚝身非常丰满，鲜味极浓郁，中意食海鲜嘅人必定会好中意; 而厚身嘅带子大大粒，煮熟后鲜味原汁原味保留在带子之中，一人一粒都食得好满足; 最贴心嘅虾身已经剥左大半虾壳，煮熟后方面大家进食。而新鲜即打嘅墨鱼滑同虾滑，外表平凡，但其实非常美味; 因为系手打嘅关系，鱼滑之间充满细细嘅气泡，放入口后就会食到弹牙空气感嘅感觉，而且呢两道价格完全唔贵，所以强烈推荐。