船長意法日餐廳 (已結業)

我哋都几钟意食任食边炉，有日经过呢间餐厅见到有任食边炉，仲可以任食哈根大师雪糕，仲要系一杯杯𠮶啲，唔系一大桶雪糕比你用羹拿𠮶 d，感觉揼本。于是，我地揾左日去试下。一坐低，店员就拎过炉端烧过嚟，一次过满足哂顾客打边炉同烧烤的欲望。惠顾会送海鲜拼盘，店员话海鲜可以放入火锅或者烧嚟食都得。我无乜烧烤经验，除左鲍鱼，我地将其他海鲜放晒入火锅。我觉得蚝、鲜鱼片几好味，个蚝系好有鲜味㖞。等紧边炉或者烧烤嘢熟嘅时候又可以食啲准备好的食物。榄菜四季豆、炒蚬都唔错！仲有自助沙律bar。火锅配料都多，大路嘅都有，鱼皮、鱼皮饺、响铃等。丸嘅种类都唔少。肥牛质素以任食来讲几好，都 refill 左几次。豚肉片都唔错。除咗有出前一丁之外，仲有拉面可煮，几特别。我自制左肥牛什菜拉面，配胡麻酱，yummy !又可以叫各式肉串、鸡翼烧来食下。食到咁上下系时候食甜品啦！无限食哈根大师雪糕！雪柜入边都有几种味可以拣，我食左三杯，咖啡味、cookie and cream 同 vanilla，正！唔喜欢哈根大师都唔紧要，有其他牌子的雪糕、雪条！美味的甜品为呢餐划上完美句号。