8鍋臭臭鍋 (金巴利道) (已結業)

食火锅食左咁耐都系第一次食呢种臭臭锅，系尖沙咀周围行，见到好多间餐厅，多数都系韩国菜，日本菜，见到呢间叫做8锅臭臭锅，睇下餐牌价钱又唔贵88蚊已经有个夺餐，又饭又野饮，即刻入去食啦。入面地方都好多，咁岩我黎食个时系餐厅员工食饭时间，我都唔好意思，但佢地服务都好好，即刻有人过黎解释同俾餐牌我地。枱上都有几种调味料俾我地选择，仲有教点解加先系最好食，真系细心，不过因为我唔食得辣，所以我都冇跟佢，只落左蒜泥同豉油。我叫左3号餐，芝士牛奶锅，牛奶味好浓好正，入面有乌冬，心型鱼豆腐，麻吉烧，沙白，蟹柳，炸枝竹，呜门卷，蛋饺等等，其实都好多材料，另外套餐仲有一碗白饭，好饱。仲有一个咖哩芝士奶盖锅，奶盖同出面饮个Ｄ都似，芝士好香好浓，咖哩比较甜，入面有沙葛，黄金鱼子球，甜不辣，炸鱼蛋，粉丝，四季豆，栗米等等，款款都有自己特别既材料，呢个最特别最好味黄金鱼子球。唔够仲可以在加白饭 / 粉丝，当然仲有好多其他唔同既材料啦。套餐入面有包野饮，一杯红茶一杯绿茶，红茶比较甜，绿茶清淡Ｄ。成日食火锅既朋友，有机会可以黎试下呢间，真系好特别，价钱又够平。