倫哥尚品火鍋私房菜 (已結業)

朋友食过呢一间私房菜之后极力推荐，所以揾咗一晚特登book枱去食。一上到去已经闻到大大阵火锅味。我哋拣咗个海鲜餐，咁就会有刺身加啲海鲜火锅配料。一开始上咗个刺身先，啲刺身非常新鲜，同平时放题𠮶啲冇得比，佢有三文鱼，带子，虾。之后就有有个鸡煲，我哋拣咗小辣，鸡煲要等8分钟，每2分钟搞一搞，之后就食得。鸡煲啲鸡非常入味，佢嘅酱汁小辣来讲唔算辣，8分钟啱啱好，啲鸡够乱嫩，酱汁有层次。佢亦都会有一碟猪皮同鱿鱼俾我哋，当个鸡煲可以食嘅时候就加落去，过2分钟就夹得，又系同啲酱汁非常夹。食完鸡煲之后佢就会成个锅换，我哋就拣咗蟹锅。火锅配料方面有牛颈脊，仲有啲佢哋出名嘅手打丸同埋云吞水饺，牛颈脊要再叫嘅话就要另外收钱，但系啲火锅配料系免费嘅。牛颈脊比普通肥牛嘅脂肪分布少， 渌一渌就食得，有牛味之余亦都唔会太肥，入到口非常香软。叫得海鲜餐当然仲有海鲜，有脆鲩鱼同埋鲍鱼，圣子，虾，样样都非常新鲜。值得一提嘅系佢个鱼皮同响铃，鱼皮味道够浓，就算浸左汤之后都食到佢阵味， 而响铃就系新鲜即炸非常脆。