龍閣

营业中

休息中

就嚟到中秋节，总要同屋企人揾中餐去过节， 为咗避开加价嘅期间，所以提早做节是常识吧！经过细心比较之下，喺红磡呢一间中菜厅系比较价钱合理，菜式亦都系见得人，较为丰富嘅！特别highlight嘅会系呢一个龙虾伊面， 出面食嘅永远都会系完只龙虾斩件上，中间真系畀人偷食咗都唔会知， 呢到竟然系半边龙虾咁样上，童叟无欺！味道方面算系中上， 由于每人半边，唔使争，亦唔会好似以往咁唔好意思去夹太多件龙虾， 所以个个都食到笑骑骑！其实呢个餐仲有好多唔同嘅嘢食，分量合理，味道中上，长辈都话可以再翻兜！唯一要提提嘅，系佢上菜上得偏慢！