渝味曉宇重慶老火鍋 (渣甸中心) (已結業)

身为火锅达人，香港好味嘅麻辣火锅其实唔多，但呢间系会令我不停地推介俾朋友，所以点都要写篇文黎赞下。首先佢有得点半份食材，所以我经常同男朋友两个人黎食火锅，都唔会食唔晒，仲可以点多几样野，而且呢度环境好干净，唔会食完成身火锅味，抽风做得好好。餐前会送碗糖水，都好足料又好味。我通常会叫鸳鸯锅，太辣的话可以食返唔辣𠮶边，上次试咗皮蛋芫荽㖞，今次就是菌锅，两款都唔错，但当然麻辣系我心头好。佢经常会有唔同嘅时令食材，今次嚟有圣子同珍珠蚌，学识前者卖晒，后者非常新鲜，叫伴粉份量都几足，口感好爽脆，唔唔会好吸油，感觉唔肥haha而我每次必嗌嘅系黄喉同鹅肠，两样都系啲爽爽脆脆嘅食材，虽然系内脏，但洗得好干净，冇怪味，唔使点调味都食唔停口。肥牛同酥肉就系男朋友嘅至爱，睇碟牛嘅花纹就知靓野，佢一个人都食咗一碟，而酥肉就系唔使渌嘅，唔脆但酥香，等食嘅时候不知不觉就会清楚一点，入边有小小麻辣嘅调味，好似香港好少食到。再叫咗啲蔬菜莴笋宽粉莲藕就饱晒啰，我见隔离枱食紧一人锅，好似几平下，等我下次都试吓先。