潮牛莊火鍋

营业中

休息中

虽然而家天气好热，但系我同一班朋友一齐都其实系最钟意食打边炉，因为觉得一大班人围住圆枱烚吓烚吓系最开心嘅，所以今次我哋拣咗尖沙咀呢间火锅餐厅，最主要系佢哋比位置较方便，个个放工嚟都唔使塞车，而且呢度嘅冷气永远都好够，所以食得好舒服。今次我哋叫咗好多唔同嘅肉同海鲜，但系有几样嘢我觉得真系要推介，第一样就系加拿大象拔蚌，劲大只之余亦都好新鲜，快快烚吓就食，仲有脆卜卜嘅口感。另外我有一个鸡翼爱好者嘅朋友，每次嚟到一定要食呢度嘅自家制椒盐鸡翼，就系钟意口酥脆嘅感觉，但系入面仲保持到嫩滑同juicy。至于牛肉方面，我哋每次必点嘅都系爪边、吊龙同金钱牛腱。钟意爪边嘅肥肉同肉嘅比例好好，好重牛味，超级香浓。吊龙软嫩细腻，个人觉得肉味都比较鲜甜。金钱牛腱嘅口感都好好，有埋少少筋嘅部份，食落好有口感，好结实。食完之后大家都好开心，以后一定会做呢间餐厅嘅常客。