渝味曉宇重慶老火鍋 (新城市廣場) (已結業)

揸紧宗旨，减肥系控制饮食唔系节食，所以其实饱住瘦食住瘦唔系广告slogan而系一种健康嘅饮食态度。打边炉一向同健康扯唔上边，其实讲到底都系睇你食咩！曾经因为个九宫格重庆麻辣火锅出晒名嘅 @渝味晓宇 近排新推「生酮火锅套餐」，喺地铁几个大站就疯狂见到佢啲地铁banner ，揾埋生酮达人唐贝诗做feature设计生酮火锅菜单，打边炉瘾起真系可以一战！最后畀多个credit个「红糖糍粑」，软糯糍粑沾上有少少焦香，加埋黄豆粉同黑糖酱真系绝配，嗌半份实在太对唔住自己，所以一份绝对走唔甩！不过利申返，生酮朋友系有得睇就冇得食㗎😂成个生酮火锅设计，由汤底、配菜、饮品及至支酱汁都系keto-friendly，生酮汤底系「养生花胶鸡锅」，亦可以自选鸳鸯锅，非keto嘅朋友同枱食识拣系叫招牌嘅「🌶🌶🌶大红重庆麻辣汤底」！短评个汤底用三黄鸡、花胶、虫草花、杞子同鶏汤滚出嚟，味道尚可都重鸡味，不过胶质嘅感觉唔算厚重亦唔会好粘口。至于个特制生酮酱油，偏咸，食开清淡嘅其实我觉得用汤底滚出嚟嘅肉都好够味，酱油可加可减。饮品方要配合生酮亦设计咗罗汉果茶、杂莓汁鸡尾酒、生酮杂莓梳打同青柠梳打等一系列生酮特饮，用嘅都系生