尚上下夏 - 養生雞煲火鍋 (已結業)

今日师兄升职, 就叫咗我地一齐去食靓料火锅庆祝! 之前都有睇电视介绍过山林道呢一带好多火锅店, 而且大部份都系正野, 一直都未有机会食. 今日师兄就特登请我地去食鸡煲火锅喇!呢间尚上下夏鸡煲火锅同出面格局唔同, 装修简洁而且系方枱设计, 感觉干净卫生. 食物方面, 可以拣无骨鸡煲 (惊喜!), 我同其中一个同事唔系好食得辣, 所以叫咗个鸳鸯鸡煲, 一边辣一边唔辣, 一边要净鸡脾, 一边要净鸡胸. 佢个鸡煲做得好入味, 而且鸡件够滑. 食落好香好惹味, 辣同唔辣个边都食得好开心, 哈哈. 打边炉的配料都好多选择而且好新鲜, 手打四宝丸好大粒, 食落好松化弹牙, 我最钟意佢个墨鱼丸同埋猪肉丸, 好够鲜味! 牛肉方面, 佢有两个价钱, 师兄叫咗个贵价牛比我地食, 食落好有牛味, 脂肪好平均而且口感唔会鞋烚烚, 好好味呀!! 另外仲有打边炉必叫的响铃, 呢间D 响铃系自家即炸的, 咬落比出面食到个D脆好多, 因为系即炸会带有少少油, 佢下面有吸油纸吸收咗多余油份, 上枱时等D油索走晒先再食会更好味.埋单时比我想像中平, 一人唔洗三百蚊(师兄请的~多谢晒!) 但食物质素真系good good,