麻神麻辣火鍋 (已結業)

行街行到攰，冻冻地不如就打边炉啦hehe好少有唔系食夜晚，不过我地两个人，可以食下一人一锅!!!呢间之前见报纸讲过，台湾好出名，虽然未食过，不过相信唔会太差挂!?入到店，环境宽敞，座位够阔，坐得舒服，可以慢慢滚慢慢倾计!我地一人拣左一锅，可以大家SHARE!一个要牛肉涮涮锅 $88，一个要海鲜涮涮锅 $108 牛肉锅就包括蔬菜、牛颈脊、鲜饺拼盘、冷冻乌龙面，加埋洛神花茶，讲真都几抵食，先$88，但有咁多样野~讲下个汤底先，估唔到麻辣汤唔算太辣，麻味香浓，辣度温和适中，起码我食到HAHA至于个牛颈脊，食落都几软腍，肉质爽口，有口感!打边炉最后食埋个乌龙面真系好正，口感滑溜，而且同D汤汁一啖入口，好滋味!个人都几钟意个洛神花茶，少少酸，打完边炉饮返啖，清清热!至于个海鲜涮涮锅，有虾有蚬、蔬菜、冷冻乌龙面同埋都系拣左洛神花茶~一样都系好抵食，海鲜都先$108，食材都新鲜，食落真系啖啖肉~呢餐真系超饱足咁走HAHA