胡爐 (已結業)

惹味鸡煲。四人份量嘅鸡煲相当足料，鸡肉嫩滑入味，洋葱稍为中和下唔会太咸。花椒、辣椒干令鸡肉辣辣哋刺激食欲，加埋各种香菜，成个煲名副其实好惹味。食完鸡煲，加个汤底又可以打边炉。时令海鲜拼盘。有5款时令海鲜，鲜鲍鱼、扇贝、花蛤同鲜虾，全部都好鲜甜，尤其系鲍鱼。胡炉牛拼盘。有澳洲和牛、牛舌蕊同黑毛猪豚肉。澳洲和牛甘香有牛味，牛舌爽口弹牙，黑毛猪肥瘦均匀又爽口。手工丸饺拼盘。黑松露墨鱼丸、手打虾丸同芝心丸各4粒，泰皇鲜虾云吞、XO酱带子饺同鱼皮饺各4粒。丸类弹牙，虾味同墨鱼味浓郁。饺类都唔错，个人尤其钟意鱼皮饺，个皮烟烟韧韧咁好有嚼口，馅料都好味。原本只系单点式嘅火锅，而家变阵做半放题，大部份火锅料都系任叫。唔单止日本蟹柳、鱼片头、牛柏叶、芝士肠等，美国肥牛、猪颈肉都系任食，支竹粟米豆腐金菇菜类更加唔使讲。总之就会食到你好满足。每位加$38仲汽水啤酒任饮添。