影片
更多
2022-08-01
51 浏览
身为火锅撚嘅我今次就去咗试呢一间真真正正嘅「火锅撚」！打边炉最紧要个汤底，今次叫嘅系蜂巢豆腐白汤锅 。 好在落单嘅时候个店员同我讲个锅底入面本身有鸭血同埋蜂巢豆腐，而且个量都多，所以我先冇加到单。上咗个汤底之后就发现原来真系几大份，非常足料。打边炉之前一定要食个前菜，我就叫咗个加拿大野生象拔蚌。师傅刀工几好，每一片象拔蚌都「片」到好簿好易入口，可以食到佢清甜、爽口嘅感觉，配合Wasabi豉油，非常好食开胃。我每次打边炉通常都会叫珊瑚蚌同埋桂花蚌（鸳鸯双蚌）。食材新鲜就唔使多讲，渌佢10秒就食得，清甜爽口。其次必嗌嘅食物一定要有「御用手切肥牛」，呢只牛食落去唔会鞋口，有较重牛肉味，渌佢一阵就食得。第三样打边炉必叫嘅就一定系响铃。佢呢度个最大特点系即叫即炸，所以上来嘅时候系热辣辣，放入个汤底3秒钟就即刻食得，冇得输。但由于太为食, 唔记得左影添 XDDD另一样特色嘢系黄喉，唔系间间都会有卖呢一个食物。佢个口感系比较爽口弹牙，有些微嘅烟靭感觉，唔错唔错。之后叫咗个花胶试吓。上菜嘅时候见到佢用一个好特别嘅器皿装住，好似古代炼丹嘅鼎一样，配合返佢𠮶个装修，都几特别。个花胶食落去有胶质，只是略嫌佢
打边炉最紧要个汤底，今次叫嘅系蜂巢豆腐白汤锅 。 好在落单嘅时候个店员同我讲个锅底入面本身有鸭血同埋蜂巢豆腐，而且个量都多，所以我先冇加到单。上咗个汤底之后就发现原来真系几大份，非常足料。
打边炉之前一定要食个前菜，我就叫咗个加拿大野生象拔蚌。师傅刀工几好，每一片象拔蚌都「片」到好簿好易入口，可以食到佢清甜、爽口嘅感觉，配合Wasabi豉油，非常好食开胃。
我每次打边炉通常都会叫珊瑚蚌同埋桂花蚌（鸳鸯双蚌）。食材新鲜就唔使多讲，渌佢10秒就食得，清甜爽口。
其次必嗌嘅食物一定要有「御用手切肥牛」，呢只牛食落去唔会鞋口，有较重牛肉味，渌佢一阵就食得。
第三样打边炉必叫嘅就一定系响铃。佢呢度个最大特点系即叫即炸，所以上来嘅时候系热辣辣，放入个汤底3秒钟就即刻食得，冇得输。但由于太为食, 唔记得左影添 XDDD
另一样特色嘢系黄喉，唔系间间都会有卖呢一个食物。佢个口感系比较爽口弹牙，有些微嘅烟靭感觉，唔错唔错。
之后叫咗个花胶试吓。上菜嘅时候见到佢用一个好特别嘅器皿装住，好似古代炼丹嘅鼎一样，配合返佢𠮶个装修，都几特别。个花胶食落去有胶质，只是略嫌佢有少少细旧。
有人话打边炉食午餐肉系傻嘅，但系佢系煎底午餐肉，我一见到已经忍唔住嗌咗。上菜嘅时候见到佢煎得好靓好香，掉落个汤底度浸一浸嚟食真系非常好味。
仲有个第一次见嘅特色食物，佢就系龙虾汤浆爆牛丸。粒牛丸入面系真正劲浓味嘅龙虾汤，咬落去啲酱汁爆晒出嚟，真系极度浓烈龙虾味，非常之Surprised。但系食嘅时候一定要小心，因为太多汤汁，好易辣到咀。
蔬菜方面有叫到正常嘅金菇同埋比较少食嘅皇帝菜，呢两样嘢正常发挥，每次边炉都会嗌啲蔬菜垫底，其实个汤底好食，啲菜自然好食，整体系正嘅！
张贴
