火間土 (已結業)

庆祝周年纪念，谂食乜都谂到头都大埋，结果都系食日本野稳稳阵阵。听人讲火间土有特色卡位屈膝盘坐，好想一试！我星期三食饭，星期二先决定到去火间土食。打去订台，已经比人订晒房仔，只可以坐大厅。唔紧要，食饭先系重点。值得一提既系，接电话个经理系识识地中文的，不过都系讲番英文稳阵，事关我用中文讲我电话号码，都要重覆左三四次，最后用英文先听得掂。火间土，made in Japan。个TABLE SETTING同香港普通日本餐厅比零舍有FEEL。礼貌问题，无影到坐位。但个大厅(LOBBY)比我想像中挤逼，我张台比WINDOW SIDE果张台同埋近墙果边既台夹系中间。侍应行过都会好小心奕奕，可想而知坐系大厅都系比较逼。第一个黎既系三色饭。饭比较黏身，三种刺身都非常新鲜，特别系海胆。第二味系烧明太子。本人十分喜欢明太子意粉，未试过烧明太子系点，所以试验性质叫黎试试。结果就........麻麻地。唔知道系调味定佢本身烧既味定点，我觉得咸左少少。和牛还算OK薄饼即叫即整，海鲜料唔算食但新解，98蚊都叫抵食。软壳蟹卷都好食，炸得好脆食完饭点可以无甜品。综观佢卖既咁多样甜品，价钱由35至50不等。雪糕类比较多。