火滾安哥雞煲酒館 (已結業)

今晚嚟到大角咀嘅火滚安哥鸡煲酒馆，店内嘅座位阔落，啱晒同朋友一齐嚟食鸡煲同烧烤，我哋坐低个阵店员就介绍唔同嘅优惠同套餐，仲上咗一碟脆卜卜嘅花生，味道唔错㗎～落单之后，店员仲拎咗唔同嘅调味料俾我哋，包括有葱花、蒜蓉、辣椒同埋芫荽，可以按照自己喜好调节。平时系其他店食嘅鸡煲都会用浓烈既酱汁煮成汤底，而今晚嘅鸡煲系用上酒香带出食物既鲜味。鸡煲入面有鲜虾、沙白、新鲜鸡、猪润、竹蔗、云耳、马蹄、鲜竹笙同虫草花等，材料非常丰富。当店员送上鸡煲之后会再加酒煮，最后用火枪点火造出火焰嘅效果，好似表演咁！店员仲好细心提醒我哋加咗酒之后唔可以打开鸡煲住，因为电磁炉火力够热 ，大约等10分钟左右就熟啦～由于有酒嘅关系，所以食落带有少少酒味，不过食材都好鲜甜。滚咗一阵之后，店员会帮我哋开盖，仲同我哋讲要先食海鲜同埋猪润先，避免煮得太耐呢。 海鲜汤嘅味道浓郁，而鸡肉非常新鲜，入口嫩滑，配合埋鲜甜嘅汤汁，味道鲜甜得嚟又带酒香。而且海虾新鲜弹牙，加上沙白质感韧口，只只都胀卜卜，好正呀～食到差唔多，店员仲会主动帮手加汤。我哋仲加咗其他配料，有手打墨鱼滑、 娃娃菜、韭菜饺云吞双拼饺子、同埋枝竹。云吞皮薄馅靓，仲涨卜卜㗎