影片
更多
2022-11-13
132 浏览
之前睇哩度食评咁多人俾笑，于是特登揸车试吓。先讲结论，我真系唔知系因为科学园无嘢食定系啲食评系买返嚟，因为哩间韩烧真系前所未有咁难食。因为太唔好食所以连影相都费事，纯文字讨论。我同朋友叫咗顶级果个任食course, 见佢有几款听落高级嘅牛肉同刺身。先讲牛肉，牛肩肉同牛阪腱系无腌嘅，但两者都无肉味又无油白，不过至少像嚿肉。横隔膜肉有腌嘅，味道同出面野火烧烤场啲下价牛扒一样，不予置评。最濑嘢系牛仔柳肉，一客两大块，好大块但真系十分难食，除咗咸，只食到松肉粉味。全部所谓顶级牛肉叫咗一round之后根本已经唔想再加单。今晚成间舖其实得5台人，几个乡音阿姐都不断搞错order，漏单，错单，不断送错隔离台啲食物嚟我哋台，而我哋个刺身又要追两次单先到。讲到刺身，三文鱼我哋得到一堆好似角切咗嘅鱼碎，吞拿鱼仲食到冰兼变到浅粉红色，䲞鱼啲筋仲多过头先块牛阪腱根本食唔到，哩一好食少少嘅白玉豚叫咗两round, 想再加佢话无晒...然后到“顶级海鲜”，我终于明乜嘢叫「顶」级。带子同鱿鱼系发水，无味之余仲有擦纸胶嘅口感。扇贝无咁胶，但一样系完全无味。虾系算好果样。我哋因为见到阿姐攞错隔离台果碟五花腩过来而无叫，
因为太唔好食所以连影相都费事，纯文字讨论。
我同朋友叫咗顶级果个任食course, 见佢有几款听落高级嘅牛肉同刺身。先讲牛肉，牛肩肉同牛阪腱系无腌嘅，但两者都无肉味又无油白，不过至少像嚿肉。横隔膜肉有腌嘅，味道同出面野火烧烤场啲下价牛扒一样，不予置评。最濑嘢系牛仔柳肉，一客两大块，好大块但真系十分难食，除咗咸，只食到松肉粉味。全部所谓顶级牛肉叫咗一round之后根本已经唔想再加单。
今晚成间舖其实得5台人，几个乡音阿姐都不断搞错order，漏单，错单，不断送错隔离台啲食物嚟我哋台，而我哋个刺身又要追两次单先到。讲到刺身，三文鱼我哋得到一堆好似角切咗嘅鱼碎，吞拿鱼仲食到冰兼变到浅粉红色，䲞鱼啲筋仲多过头先块牛阪腱根本食唔到，哩一好食少少嘅白玉豚叫咗两round, 想再加佢话无晒...
然后到“顶级海鲜”，我终于明乜嘢叫「顶」级。带子同鱿鱼系发水，无味之余仲有擦纸胶嘅口感。扇贝无咁胶，但一样系完全无味。虾系算好果样。
我哋因为见到阿姐攞错隔离台果碟五花腩过来而无叫，因为我哋见到有70%都系肥膏嚟。其他肉类仲试咗，鸡脾肉OK，梅头肉OK，鸡肾系全部食物中最出食嘅果一项，猪颈肉无腌但尚算OK...
另外佢啲份量真系唔知佢点预，刺身叫4客佢俾3块，猪肉鸡肉叫1份佢俾一大兜，牛舌一次系五蚊银大小，另一次系手掌size。
仲有一样嘢要提嘅系，啲阿姐不断用行动催我哋快啲走，以免阻住佢哋收工咁不过咁都仲未系最神奇。阿姐执台时见我哋兜生菜同蒜片无食过(一入座佢就自动摆低果啲嚟)，佢执台时竟然唔系收落执台车而系成碟攞返入厨房。。。
虽然以任食嚟讲佢收费系平，但要平我宁愿去食隔离街个日式牛肉饭，哩间真系唔会再有下次。
张贴