炑八韓烤 (已結業)

数下自己今个星期食咗中西日，仲争韩菜。记起呢间响团购见过同早两日响街派传单。拣咗炆牛肋骨。晏咗出嚟差唔多两点钟，而且我听到佢哋问我张枱落咗单未，应该漏咗单，结果等咗廿分钟先上，仲要反问系咪冇比泡菜我…个牛肋骨有3大嚿，我嫌佢肥咗啲但几有牛脂香，萝卜腍，冬菇厚身但唔知系浸唔透定品种问题，好硬实，结果咬咗一咬放弃。白饭有紫菜响面好味道，泡菜腌得耐咗有啲软身冇咗清爽感，海藻汤几好冇乜放味精。送埋汽水都系$78唔使加一，都算抵。