影片
更多
2019-04-08
91 浏览
最近一直努力发掘近中环区平价餐厅，今日喺OpenRice 见到呢间炊豕店喺我公司附近，价钱又唔贵，决定去食个晚餐。炊豕店外面望落几似文青店，白色墙配绿色窗柜，简洁得嚟几靓。而入面嘅装修就行怀旧风，似香港5,60年代嘅士多风格。有旧式热水壶同风扇做衬托，几有旧年代风味。墙上就挂左好几张海报，有30年前旧报纸，又有旧公仔书里面嘅图画，几有气氛。今次就叫左呢道嘅招牌猪扒饭，我同朋友两个人一样叫左秘制猪扒饭，不过一个叫肉燥汁，一个叫咖哩汁。个饭都几大个，份量十足。猪扒炸得香又脆，送饭一流。加上啱啱煮起就食，热辣辣又脆。另外仲叫左个辣味海蜇同卤水蛋两个人分嚟食，平时食餐厅海蜇都会莫明有啲胶味，但系今次嘅冻食海蜇咬落弹牙冇胶味，辣椒唔算辣，都几入味，值得一赞。饮品就叫左个热蜂蜜柚子同同热蜂蜜生姜茶，跟餐先加5蚊，值得加钱饮。餐厅嘅另一重点系店员嘅制服，上面写住 我们都是食猪大的，可能食猪食得多，所以煮豕料理先咁出色。最后两个人今埋单$154，唔洗加一。计落每个人都系77蚊，食到好饱。想嚟食嘅最好早啲到，因为唔系做宵夜食市，所以餐厅8点后就唔接食客，我走嘅时候830已经所有枱啲人走哂。不过好食嘅系值
炊豕店外面望落几似文青店，白色墙配绿色窗柜，简洁得嚟几靓。而入面嘅装修就行怀旧风，似香港5,60年代嘅士多风格。有旧式热水壶同风扇做衬托，几有旧年代风味。墙上就挂左好几张海报，有30年前旧报纸，又有旧公仔书里面嘅图画，几有气氛。
今次就叫左呢道嘅招牌猪扒饭，我同朋友两个人一样叫左秘制猪扒饭，不过一个叫肉燥汁，一个叫咖哩汁。
个饭都几大个，份量十足。猪扒炸得香又脆，送饭一流。加上啱啱煮起就食，热辣辣又脆。
另外仲叫左个辣味海蜇同卤水蛋两个人分嚟食，平时食餐厅海蜇都会莫明有啲胶味，但系今次嘅冻食海蜇咬落弹牙冇胶味，辣椒唔算辣，都几入味，值得一赞。
饮品就叫左个热蜂蜜柚子同同热蜂蜜生姜茶，跟餐先加5蚊，值得加钱饮。
餐厅嘅另一重点系店员嘅制服，上面写住 我们都是食猪大的，可能食猪食得多，所以煮豕料理先咁出色。
最后两个人今埋单$154，唔洗加一。计落每个人都系77蚊，食到好饱。
想嚟食嘅最好早啲到，因为唔系做宵夜食市，所以餐厅8点后就唔接食客，我走嘅时候830已经所有枱啲人走哂。不过好食嘅系值得早啲嚟食嘅~
张贴
