炑八韓烤 (屯門市廣場2期)

营业中

休息中

今晚系屯门市食烧肉，生菜，腌萝卜，芽菜，海带，泡菜，炉边蛋和芝士粟米可以任食。沙律菜好碧绿又爽脆好新鲜。韩式猪皮配炒芝麻，猪皮烧一阵已熟，烧到微㶶好淋，用生菜，泡菜，芽菜包上猪皮一起食又唔会肥腻。蒜蓉牛油金针菇，金针菇底下有芝士连埋蒜蓉牛油一起烧好香，味道香浓。韩式红虾差唔多有手掌咁大只，烧完都大大只，虾肉鲜甜又爽口弹牙。特级牛肋骨有手臂咁长，油脂均匀，肉已腌咗味道甜甜地，唔使点酱汁已好好味，肉质嫩滑牛味香浓。半只炸鸡（有骨），炸鸡甜甜辣辣，炸鸡鸡肉嫩滑又好入味，粉又唔会太厚，薯条热辣辣好好食。炑八厚切五花腩，烧之前话俾店员知，店员会换一块板来烧五花腩，五花腩原条烧，烧一阵再反转烧，烧到微㶶就ok,用生菜，泡菜，芽菜包住食好美味又不油腻。柚子柠檬梳打和薄荷荔枝梳打