壽記海鮮酒家

营业中

休息中

星期日心血来潮入南丫岛行山，居然人流唔多，估计大部分人外游或北上。坐中午船由索罟湾起步行，约2点几3点，去到榕树湾觅食，本来想去书虫西餐，但要等位，最后改去食中菜，随便路过见寿记，一开门，d冷气已经攻陷我哋心境，先黎冰冻汽水，再慢慢点菜。伙记无推销海鲜，反而同我哋讲有炒粉炒面食。我二话不说先点豉油王炒面，椒盐鲜鱿，煎咸鱼肉饼，其后再点干炒牛河和啫啫通菜煲，5个人share份量十足。不得不赞整体食物调味适中，最欣赏不会过咸或油腻。尤其两碟炒面炒河😀👍🏼 碟底无油，河粉不会炒到碎，豉油香又够镬气，连平时少食粉面个仔，都话添食😌 个煲啫啫通菜煲，通菜爽脆，虾干鲜甜，仲有几片猪颈肉搭配，热辣辣放上枱，香气扑鼻😋稍为无咁好食既咸鱼肉饼和鱿鱼，虽然唔够个3碟好，但都未至要投诉，鱿鱼炸得好，可惜鱿鱼无鲜味，似急冻货，咸鱼肉饼唔like佢系炸，无咸鱼香味，得咸味。整体而然，下次入嚟会再帮衬。亦要一赞伙计有礼，期待下次入嚟试埋墙上既能手小菜。