排頭餐廳

营业中

休息中

去沙田中央广场睇完家私家电，怕新城市广场多人，于是近近地去茶餐厅医肚就算。餐厅有两层，下层面积较细，而且当日已坐满人。侍应叫我上二楼，地方大啲，坐得无咁迫。星期日下昼啱啱两点到餐厅，可以有埋下午茶餐拣。叫咗干炒猪扒意粉配热啡，$39，价钱都算系咁。我睇份量似乎比正餐细少少，不过够食嘅。猪扒切件上，唔够一块，大概有3-4条，味道唔错。炒意粉比较湿，食完碟底仲有鼓油(?)，但又出奇地有镬气，可能系炒完一轮后落酱汁时重手咗。咖啡有旧式茶餐厅风味，但味道较苦。平时一般落半包糖就够，但今次就要落晒成包砂糖。